Regenza dumonda cussegl

Tranter auter duain ils opitals, las chasas d'attempads e da tgira ed ils servetschs da la Spitex avair la chaschun da s'exprimer davart la nova ordinaziun per la lescha da sanadad. Els èn la finala quels che ston pudair realisar la chaussa e lavurar cun la lescha.

Purtret d'ina mondura d'in medi. Bild in Lightbox öffnen.

Legenda da maletgs: L'ordinaziun per la nova lescha da sanadad duai esser megliera per las instituziuns che lavuran cun lezza. Keystone

La regenza grischuna ha annunzià in'audiziun tar il sboz da la revisiun totala da l'ordinaziun davart la lescha da sanadad. Quai è ina excepziun perquai che las midadas da l'ordinaziun hajan consequenzas pli grondas. Uschia saja ina consultaziun inditgada, scriva la regenza. I saja impurtant d'udir las vuschs dals circuls pertutgads.

Prender posiziun pon tranter auter ils ospitals, las chasas d'attempads e da tgira ed ils servetschs da la Spitex. Cun quai vul la regenza far la segira che la nov'ordinaziun saja lura era realisabla en la pratica. L'ordinaziun fixescha ils duairs da las persunas spezialisadas da sanadad e dals manaschis da sanadad.

RR novitads 11:00