-
Bild 1 von 7. Tgisà sche quels da l'acziun 2 x Nadal pon duvrar questas chaussas? Bildquelle: RTR, Mathias Kundert.
-
Bild 2 von 7. Pitschen e grond sa participeschan a l'acziun. Bildquelle: RTR, Mathias Kundert.
-
Bild 3 von 7. Annina Campell fa in'intervista cun l'ustiera da la Pastizeria furnaria Klarer, Rita Klarer. Bildquelle: RTR, Mathias Kundert.
-
Bild 4 von 7. La maisa s'emplaina plaunet. Bildquelle: RTR, Mathias Kundert.
-
Bild 5 von 7. Mathias Kundert ed Annina Campell spetgan sin las donaziuns per l'acziun 2 x Nadal. Bildquelle: RTR, Mathias Kundert.
-
Bild 6 von 7. Il café Klarer a Zuoz è oz ina centrala per las donaziuns da 2 x Nadal. Bildquelle: RTR, Mathias Kundert.
-
Bild 7 von 7. Tut questas raubas èn vegnidas rimnadas l'onn passà a Vella en Val Lumnezia. Bildquelle: RTR, Marionna Lombriser.
L'acziun communabla da la SRG SSR, da La Posta e da la Crusch Cotschna datti quest onn per la ventgavla giada. Ils 28 da december 2016 envidan Annina Campell e Mathtias Kundert dad RTR perquai ad in café cun cornet en l'ustaria Klarer a Zuoz.
L'idea da l'acziun 2 x Nadal era a l'entschatta da pudair dar vinavant regals da Nadal ch'ins na sa betg duvrar sez a da quels che han da basegn. Ma era sch'ins n'ha survegnì nagin tal regal, pon ins sa participar cun donaziuns, per exempel cun cumprar sez inqual rauba nizzaivla.
Ina mesadad da las donaziuns - oravant tut las donaziuns da rauba - resta en Svizra, l'autra mesadad vegn distribuida en l'Armenia ed en auters pajais da l'Europa da l'Ost.
Purtai era Vus Voss regal – per exempel in pac ris, in pac farina u in pac pasta – direct en l’ustaria,
ils 28-12-2016, 09:00-12:00 en la Pastizeria Furnaria Klarer a Zuoz.
Annina Campell e Mathias Kundert sa legran da Vossa visita.
Live da Zuoz
Spezialmain giavischada è rauba ch’ins dovra mintga di:
- Victualias che na van a mal sco pasta, ris, ieli e conservas conservablas anc silmain 6 mais.
- Artitgels d’igiena e da tualetta sco savun, schampo u pasta da dents.
- Material da scola e da papetaria per uffants.
- Chalzers novs d’uffants.
RR actualitad 08:00+