Alvra
En la regiun Alvra datti be ina elecziun publica per il president u la presidenta da la dretgira, perquai ch'igl ha in candidat ed ina candidata per il post. Ils ulteriurs derschaders e derschadras èn gia confermads.
Per il post da president u presidenta da la dretgira candideschan:
- Peter Guyan da Cuira
- Tanja Pfammatter da Lantsch
Ils derschaders e derschadras gia confermads per la proxima perioda d'uffizi (2025-2028)
Bernina
Il cas cuntrari datti en la regiun Bernina. Igl ha be in candidat per il post da presidi, dentant betg avunda persunas per ils posts da derschaders. Perquai datti ina elecziun publica ils 9 da zercladur, ed in segund scrutini per ils ulteriurs posts ils 11 d'avust – sch'i dat annunzias, uschiglio sto vegnir definì in'ulteriura data. En tut èn 8 posts da derschaders d'occupar.
President da la dretgira per la perioda d'uffizi 2025-2028
- Hans-Jörg Bannwart da Poschiavo
Per ils posts da derschader u derschadra candideschan:
Engiadina Bassa / Val Müstair
En l'Engiadina Bassa / Val Müstair datti era in'elecziun publica per ils posts da derschaders, cunquai ch'igl ha dapli candidats e candidatas che sezs. Igl ha 9 candidats per 8 sezs.
President da la dretgira per la perioda d'uffizi 2025-2028
- Orlando Zegg da Samignun
Per ils posts da derschader u derschadra candideschan:
Las ulteriuras otg regiuns
En tut las ulteriuras regiuns hai dà medem blers candidats sco posts. Igl ha en tuttas regiuns dà elecziuns taciturnas, pia senza in scrutini public.
