245kg victualias importadas illegalmain al campiunadi mundial

Ina guardia da cunfin ha chattà 245 kilograms victualias en in tren da Turin per ir a San Murezzan. Las victualias n'èn betg stadas decleradas endretg. La persuna responsabla è vegnida chattada ed ha stuì pajai in chasti.

Purtret da stgatlas da chartun cun en victualias. Bild in Lightbox öffnen.

Legenda da maletgs: Las victualias importadas illegalmain èn vegnidas chattadas en stgatlas da chartun. MAD

Durant il campiunadi mundial da skis a San Murezzan ha il corp da guardias da cunfin fatg controllas en in tren. Quest tren ch'è vegnì na da Tiraun ha gì dad ir enfin San Murezzan, scriva la guardia da cunfin.

Controllà ha la guardia il char da bagascha. Là han els lura chattà 245 kilograms victualias en stgatlas da chartun. Ulteriurs scleriments han mussà che questas victualias fissan stadas planisadas per il diever commerzial. I mancavan dentant tut ils formulars necessaris per importar questa rauba. La contribuziun che avess stuì vegnir pajada valeva passa 900 francs.

Il responsabel per la rauba è stà in Talian ch'è vegnì chattà. El sto pajar in chasti da 1'700 francs. Suenter che las formalitads per las victualias èn vegnidas rugaladas han ellas lura pudì vegnir importadas.

RR novitads 11:00