Siglir tar il cuntegn

Header

video
Corina Blättler en acziun
Or da RTR dals 08.11.2016.
laschar ir. Durada: 1 minuta.
cuntegn

Engiadina 4’300 objects turnan puspè en il Museum Engiadinais

Suenter in temp da renovaziun e sanaziun da bun in onn e mez, avra il museum a San Murezzan bainbaud sias portas. Actualmain èn ils collavuraturs vi dal drizzar en stanza per stanza dal project che Riet Campell aveva inizià avant passa 100 onns.

Per las lavurs da renovaziun e sanaziun da la chasa engiadinaisa, aveva il suveran d’Engiadin’Ota deliberà in credit da 6 milliuns francs. Entant èn ils mastergnants vid las ultimas lavurs en chasa ed ils collavuraturs dal Museum Engiadinais vi dals davos detagls.

audio
Saira: Museum engiadinais avra puspè sias portas
ord Actualitad dals 14.11.2016.
laschar ir. Durada: 4 minutas 8 Secundas.

Franar ulteriurs donns

Corina Blättler è dapi emnas ed emnas vi dal pachetar ora stgatla per stgatla cun da tutta sorts vaschella e rauba che tucca en cuschina.

Per che la ruina na possia betg magliar vinavant vid ils objects da fier, deliberescha la sutbiadia dal fundatur dal museum, mintga toc minuziusamain ils flatgs cotschens cun in cuntè e cun aschieu.

Tut ha ses agen numer

Avant ch’ins aveva sgumbrà avant in onn e mez tut la chasa per la sanaziun, han ins inventarisà tut ils passa 4’300 objects ch’eran en il Museum Engiadinais ed era en ils differents deposits ord chasa.

Tut la rauba na vul ins dentant betg pli exponer, dentant adina puspè midar las singulas exposiziuns.

Idea d’in collectur passiunà

Il bierer da Susch, Riet Campell aveva ramassà durant decennis la collecziun singulara ed aveva incumbensà a Nicolaus Hartmann, l’architect dal Museum Segantini, da fabritgar in museum en il stil engiadinais. En quella chasa tranter San Murezzan Bogn e San Murezzan Vitg èn expostas entiras stivas veglias, mobiglias e chaussas ord la vita da mintgadi da pli baud.

La reavertura dal Museum Engiadinais è ils 26 e 27 da november 2016 cun dis da las portas avertas per l'entira populaziun.

Ina «stüva» en il Museum Engiadinais a San Murezzan

En questa sala vegnan expostas armas

Il suler dal Museum Engiadinais a San Murezzan pauc temp avant l'avertura

RR actualitad 17:00

Artitgels legids il pli savens