Siglir tar il cuntegn

Header

cuntegn

Engiadina 40 onns «Engadinwind»

1978 ha gì lieu l'emprim maraton da surf en l'Engiadin’Ota. Quella giada anc sin il Lai da Segl e cun sur 600 participants. Oz 40 onns pli tard datti anc adina quella regatta. Cun il temp è il material da surfar però sa midà ed il Kitesurfing è vegnì tiers.

Quai ch'ha cumenzà il 1978 sco cursa da Windsurfing è dapi alura daventà ina regatta da Windsurfing, bartgas da vela e Kitesurfing. Las emprimas 10 cursas dal maraton da surf han gì lieu sin il lai da Segl. Perquai che l’interess per quellas regattas è vegni adina pli pitschen è il maraton da surf vegnì integrà en l’emna da «Engadinwind» sin il Lai da Silvaplauna.

audio
Bunura: Silvaplana: 40avel Surf Maraton
ord Actualitad dals 19.08.2017.
laschar ir. Durada: 3 minutas 21 Secundas.

40avla regatta cun blera prominenza

Sonda ils 19 ubain dumengia ils 20 d'avust – tut tenor la situaziun dal vent – ha lieu la cursa da giubileum dal 40avel maraton da surf. Da la partida èn la gronda part dals victurs dals ultims 40 onns, sco per exempel Charly Messmer, Biörn Dunkerbeck e Karin Jaggi. L'unic star che manca è Robby Naish dals Stadis Unids da l’America che ha avant 40 onns gudagnà l'emprim maraton da surf. El è pli tard stà in dals pli gronds stars da la scena da Windsurfing.

RR actualitad 07:00

Artitgels legids il pli savens