A Sent be rumantsch - per la quarta

Ils giasts che sa participeschan al curs da rumantsch dattan in engirament a l’entschatta dal curs. Tant ils principiants sco era ils avanzads discurran lura sulettamain rumantsch quell’emna.

Laschar ir video «A Sent be rumantsch - il film»

A Sent be rumantsch - il film

0:35 min, dals 10.11.2016

Bunura: A Sent be Rumantsch

3:11 min, Actualitad dals 11.11.2016

Ils participants derivan da la Germania, Italia, Norvegia, Ollanda, Engalterra e perfin dal Giapun. Radund 40 persunas èn prontas da sa deditgar cumplainamain a la lingua rumantscha. Ils giasts abitan durant quest temp tar ina famiglia indigena, e vegnan uschia era datiers a la vita dals indigens.

Curs da ballar e da cuschinar e far teater

Per emprender facilmain la lingua han ins era organisà diversas activitads. Emprender a ballar las trestgas tradiziunalas, cuschinar las tratgas tradiziunalas e giugar in pitschen teater.

A la fin da l’emna «a Sent be rumantsch», en occasiun d’ina pitschna festa cuminaivla, vegn finalmain abolì l'engirament da discurrer sulettamain rumantsch.