Sut il num «animaziun in gir» fa il Jutwon fermada mintga sonda en in'autra vischnanca. Da Segl enfin Bever.
Enfin uss aveva l’inscunter lieu 6 giadas. Il feedback saja positiv, di David Zimmermann manader dal project. En duas vischnancas na saja vegnì nagin, quai haja da far cun la bell’aura, è el persvadi.
Project duai cuntinuar
L’acziun ha anc lieu tut la stad fin la fin d’avust. Lasuenter vegn fatg bilantscha. L’idea è dentant tenor Zimmermann da cuntinuar il project. Ins stoppia era dar temp da s'etablir, quai n’è tar l’emprima giada betg adina simpel, uschia Zimmermann.