Tar ina strivlada tranter 2 autos en Val Müstair hai dà in donn da plirs 1’000 francs. In dals cumpigliads è fugì, la Polizia chantunala grischuna tschertga perditgas.
Sco quai che la polizia communitgescha, è la strivlada succedida curt avant las 12:00 tranter il stan da sajettar a Müstair e l'ospital a Santa Maria. In auto cotschen era sin via vers Müstair cur ch’i ha dà la strivlada cun in auto.
Tschertgà vegn in vehichel champester nair u stgir-blau. Tgi che po far indicaziuns duai s'annunziar tar la polizia a Santa Maria.
