Siglir tar il cuntegn

Header

cuntegn

Engiadina Bovas en Val Müstair

Ina malaura venderdi saira ha pisserà per bovas en Val Müstair

In temporal fitg intensiv ha procurà per bovas en Val Müstair venderdi saira. Pervia da la plievgia fitg intensiva è vegnì giu bler material dal Piz Daint. Quai tenor infurmaziuns dal president communal da Val Müstair, Arno Lamprecht.

Impediments e donns

Il material è parzialmain arrivà sin la via dal Pass dal Fuorn. Il pass è perquai stà serrà durant tut la notg. A Tschierv è il Rom per part passà sur la riva ora, ma n’ha betg chaschunà gronds donns. A Fuldera percunter ha l’aual da la Val Ruina stratg davent la punt che collia Fuldera cun Fuldera Daint.

Era la via da velos tranter Fuldera e Valchava è serrada perquai ch'ina punt è demolida. En la Val Vau ha l'aua da Vau chaschunà donns vid l'enchaschament da l'ovra electrica. A Müstair hai dà donns d’aua en 2 hotels.

Ina bova a Samignun

Er en Samignun è vegnì giu ina bova la notg da venderdi sin sonda. Quai ha la Polizia chantunala confermà sin dumonda dad RTR. Perquai è la via tranter Vinadi e Spiessermühle stada serrada per motivs da segirtad.

RR Novitads 12:00

Artitgels legids il pli savens