La radunanza da la vischnanca da La Punt Chamues-ch ha approvà il quint annual dal 2014 che serra cun in surpli d’entradas da circa 969'000 francs. Cunzunt las structuras schlancas en tut ils secturs hajan procurà per quest surpli d’entradas, scriva la vischnanca da la punt Chamues-ch.
Vinavant ha la radunanza communala decis da reducir il cussegl da scola da 5 sin 3 persunas. Il motiv è ch’ina manadra da scola vegn a surpigliar il timun da las scolas primaras. Sco ultima vischnanca da la nova regiun Malögia ha la vischnanca da la Punt Chamues-ch approvà ils statuts da la regiun futura.