Siglir tar il cuntegn

Header

video
Decisiun emprest Institut Otalpin Ftan
Or da Actualitad dals 28.03.2017.
laschar ir. Durada: 2 minutas 2 Secundas.
cuntegn

Engiadina Confermà la confidenza en l'Institut Otalpin a Ftan

La radunanza communala da Scuol ha ditg cleramain gea ad ina prolungaziun da l'emprest da 3 milliuns enfin ils 31 december 2021.

L'october 2015 aveva la radunanza communala da Scuol consentì l’emprest cun gronda maioritad. Senza l'emprest avess l’Institut Otalpin stuì serrar las portas. La strategia suenter bunamain in onn è sin buna via, ma ins sto conceder dapli temp che previs per cuntanscher ils terms.

audio
Bunura: Confermà la confidenza en l'Institut Otalpin a Ftan
ord Actualitad dals 28.03.2017.
laschar ir. Durada: 2 minutas 47 Secundas.

Prolungaziun da l'emprest enfin ils 31 december 2021

La populaziun da la vischnanca da Scuol ha confidenza en il cussegl administrativ da l'Institut Otalpin - la finamira persvada. Las cifras dals scolars èn levamain s'auzadas per l'onn da scola 2016/17 da 79 sin 86 scolars. Per segirar la situaziun finanziala da l'Institut Otalpin è quest in impurtant pass, ma betg l’unic. Ils 29 avrigl 2017 ha lieu la proxima radunanza d’acziunaris. A quella ston ils acziunaris anc decider da reducir la valur da las aczias da 150.00 sin 25.00 francs per scuntrar la perdita da la bilantscha. Ultra da quai èsi previs dad augmentar il chapital d’aczias per ulteriurs 5 milliuns francs.

Las cifras dals scolars dal Institut Otalpin

Scolars ils ..
Externs
Interns
25.08.20155323
31.12.20155324
18.08.20165820
31.12.20165821
24.03.20175927

RR actualitad 07:00

Artitgels legids il pli savens