Contribuziun chantunala per indriz d'ennavar a Scuol

La regenza conceda a las Pendicularas Motta Naluns ina contribuziun chantunala dad 1,3 milliuns francs or dal credit d'impegn per contribuziuns d'investiziun ad infrastructuras relevantas per construir l'indriz d'ennavar a Scuol.

MAD Bild in Lightbox öffnen.

Legenda da maletgs: La regenza dat 1,3 milliuns francs per l'indriz d'ennevar a Scuol. Indriz d'ennevar.

Ultra da quai ha ella approvà in sustegn finanzial en il rom da la nova politica regiunala da la Confederaziun e concedì in emprest da 2 milliuns francs. Sco prestaziun d'equivalenza dal chantun Grischun a l'emprest vegn garantida ina contribuziun da 336'679 francs. Quai communitgescha la regenza grischuna.

Il project implant da far naiv Tasnan - Motta Naluns/Schlivera custa 11,8 milliuns francs. Da quels vegnan 4 milliuns da la banca, 1.1 milliuns francs vegnan da la vischnanca da Scuol. Cun quella munaida approvada dal chantun mancan anc 3 milliuns e quels vegnan finanziads da las pendicularas sezzas.

Sin la stagiun da skis 2018/19 duai l'entir project esser finì e lubir d'ennavar da la Schlivera fin a Ftan senza interrupziun. La lubientscha da construcziun han las Pendicularas Motta Naluns gia survegnì la primavaira 2015.

RR novitads 12:00