Siglir tar il cuntegn

Header

video
Relaziun disturbada tranter OEE e las vischnancas
Or da Telesguard dals 24.02.2017.
laschar ir. Durada: 1 minuta 56 Secundas.
cuntegn

Engiadina Disfidanza tranter las vischnancas e la OEE

La «corporaziun dals cumüns concessiunaris» n’è betg cuntenta cun las Ouvras electricas d’Engiadina OEE.

Las Ouvras electricas d’Engiadina interpreteschan differents puncts tuttafatg auter che la Corporaziun dals cumüns concessiunaris. Nua che la corporaziun discurra d’energia supplementara discurra la OEE d’energia da rest, nua ch’els discurran da marschas, discurra la OEE da raps da transport – piculezzas che han però consequenzas.

audio
Disfidanza tranter ils “cumüns concessiunaris” e la OEE
ord Novitads dals 24.02.2017.
laschar ir. Durada: 2 minutas 7 Secundas.

Il capo da Valsot e represchentant per las vischnancas pertutgadas, Victor Peer, pretenda perquai ina discussiun a la maisa radunda. Per il president dal cussegl administrativ da la OEE Martin Schmid è ina buna collavuraziun tranter la OEE e las vischnancas da grond’impurtanza. El è persvadì da chattar soluziuns che resguardan ils basegns d’omadus.

La 62avla radunanza generala e vegnida manada tras a Sent senza auters incaps. Uschia han ils preschents approvà il gudogn da 1,8 milliuns francs, dà distgargia als organs responsabels ed era consentì diversas adattaziuns dals statuts da las OEE.

RR novitads 14:00

Artitgels legids il pli savens