Siglir tar il cuntegn

Header

video
17 emprendists bostgers
Or da RTR dals 27.07.2016.
laschar ir. Durada: 50 Secundas.
cuntegn

Engiadina Emprendists da bostgers fan lavurs da construcziun

Savair ir enturn cun betun uschè bain sco cun substanzas natiralas, sco per exempel crappa e laina. Quai è la finamira dal curs da construcziuns forestalas per emprendists da bostgers che ha lieu il mument en la regiun da Scuol.

Per 17 giuvens grischuns e dal Principadi da Liechtenstein en l’ultim onn d’emprendissadi, hai num barattar il lieu da lavur da mintgadi e far tranter auter lavurs da mantegniment vid sendas, cuntschets u refar differentas punts en la regiun da Scuol.

Curs da grond'impurtanza

Gist en regiuns muntagnardas è in tal curs da grond’impurtanza. Il mantegniment da l’infrastructura forestala è numnadamain in punct essenzial per insumma pudair pussibilitar ina cultivaziun da guaud adequata. Cun porscher tals curs speran ils organisaturs da sensibilisar ils giuvens bostgers sin quest fatg.

audio
17 emprendists bostgers per dus emnas en visita a Scuol
ord Actualitad dals 27.07.2016.
laschar ir. Durada: 2 minutas 43 Secundas.

Artitgels legids il pli savens