Engiadina - Emprima badigliada per tur cotschna sin pass dal Güglia
Il fundament per il nov project dad Origen e Giovanni Netzer sin 2’300 meters sur mar è fatg. En preschientscha da radund 60 persunas han ins cumenzà cun la realisaziun da la tur. L’aura bletscha e fraida ha gist mussà sut tgeninas circumstanzas ch’il fabricat pudess tut tenor vegnir realisà.
Per il pli aut grischun, Michael Pfäffli, che ha er gidà tar l’emprima badigliada, è il project d’ina tur da 30 meters autezza insatge spezial che vegnia a colliar anc dapli las differentas regiuns dad ina e da l’autra vart dal pass dal Güglia.
Plans ambizius
Gia per la fin da fanadur 2017 duai la tur da lain esser pronta. La construcziun che vegn montada sin ina soletta, cuntegna grondas fanestras da loscha e duai colliar la natira e la cultura. L’aura vegnia ad esser la pli gronda sfida ha declerà Enrico Uffer da l’interpresa Uffer, che è incumbensada cun la part en lain da la tur.
1 / 9
Legenda:
La tur da teater cotschna entamez la natira.
mad
2 / 9
Legenda:
Il palc per ils artists cun glisch che po entrar tras numerusas fanestras da loscha.
mad
3 / 9
Legenda:
Vista da sur en giu en la tur cotschna sin il Güglia.
mad
4 / 9
Legenda:
Montascha da la tur cotschna dad Origen entamez la natira.
mad
5 / 9
Legenda:
La tur dad Origen al plazzal da la tur sin il pass dal Güglia.
RTR, Anna Caprez
6 / 9
Legenda:
Sisum il pass, ma en la plievgia: Giovanni Netzer, l’intendant dad Origen, cun il model da sia tur.
RTR, David Truttmann
7 / 9
Legenda:
L'emprima badigliada per il project. Michael Pfäffli, Giovanni Netzer e Leo Thomann.
RTR, Anna Caprez
8 / 9
Legenda:
Cun dus autos da posta èn vegnids transportads ils giasts a l’emprima badigliada dal bajetg spectacular.
RTR, David Truttmann
9 / 9
Legenda:
La fotografia obligata per entschaiver a construir – l’emprima badigliada da la tur dad Origen
RTR, David Truttmann
audio
Bunura: Il signal da partenza per la tur cotschna al Pass dal Güglia
03:01 min, ord Actualitad dals 15.05.2017.
laschar ir. Durada: 3 minutas 1 Secunda.
La finanziaziun da l’emprima etappa da construcziun da 2,2 miu francs è garantida. Per la segunda etappa, ch’avess da succeder l’atun, è Origen anc a la tschertga da raps en l’autezza da radund 600’000 francs. Sin la stad stat però la tur, ils 31 da fanadur 2017 è planisada la premiera da l’opera «Apocalypse» da Gion Antoni Derungs – en preschientscha da cusseglier federal Alain Berset.
