Engiadina - Engiadina Bassa per las proximas emnas il mecca da golf Grischun
La mesemna hai dà il culp da partenza per ils campiunadis da golf grischuns. Las proximas emnas s’inscuntran ils megliers golfists grischuns a Vulpera, sin ina da las plazzas da golf las pli spezialas en tut il Grischun.
Passa 300 participants spetgan ils organisaturs dal Club da golf Vulpera las proximas emnas. Cumbattì vegn en differentas categorias, sco per exempel il «Grison Cup» ch'è il campiunadi per singuls, ubain il campiunadi da seniors. Dentant il culp da partenza han dà las junioras ed ils juniors.
Duas medaglias d’aur per Domat
Tant tar las mattas sco era tar ils mats èn ils victurs dals campiunadis da golf grischuns dals juniors commembers dal club da golf da Domat. Nova campiunessa grischuna è Ladina Semadeni, nov campiun grischun è Mauro Gilardi.