La tribuna ha la furma d'in skiunz gigant. 19 meters aut, 18 tonnas lain massiv. Clar che quai vegn betg en in toc, mabain en blers elements. 2 singuls pes, las chommas, il venter, la testa e, e, e - en tut 21 elements che furman lura tut la figura. Questa è numnadamain 19 meters auta.
Mess ensemen ils singuls elements han ils construiders da lain enturn la firma «A. Freund Holzbau». 10 umens han lavurà vi da Edy il skiunz.
Las dimensiuns ed il pauc temp ch'els han gì a disposiziun per metter ensemen tut ils elements era la gronda sfida di Andri Freund. Sco en general tut la logistica inclusiv il transport dals elements da Samedan a San Murezzan.
audio
Bunura: CM San Murezzan 2017 – Edi, il skiunz gigant
03:15 min, ord Actualitad dals 09.01.2017.
laschar ir. Durada: 3 minutas 15 Secundas.
Montascha segua
Sco proxim segua la montascha dals 21 elements ad in. Perquai sto sco emprim vegnir montà ina tur che posa il skiunz da lain. Lura vegn in element suenter l'auter tatgà vi da la tur – cumenzà tar ils chalzers. Termin nua che tut sto esser a fin è ils 23 schaner. Da là restan 2 emnas fin tar il campiunadi mundial da skis a San Murezzan.