Siglir tar il cuntegn

Header

video
Al medem lieu...
Or da RTR dals 22.08.2017.
laschar ir. Durada: 2 minutas 24 Secundas.
cuntegn

Engiadina Era bunas relaziuns pon chaschunar accidents en muntogna

L'avust hai dà dus accidents cun 4 morts sin la Crast’Alva – il Spih dal Bianco al Piz Bernina. Dus accidents fatals en il medem lieu. In lieu che quinta betg tar las passaschas da clav – ma che pretenda plaina concentraziun.

Il Piz Bernina tutga tar in magnet per ils circuls dals alpinists. La muntogna la pli auta dal Grischun attira cun ses 4049 meters sur mar mintga stagiun var 2000 alpinistas ed alpinists.

audio
Privels ed acccidents sin il Bernina
ord Novitads dals 18.08.2017.
laschar ir. Durada: 2 minutas 49 Secundas.

4 morts l' avust

Durant questa stagiun èn capitads dus accidents fatals, nua che 4 persunas èn mortas. Il singular è, che quels accidents èn capitads en il medem lieu – al cumenzament dal Spih dal Bianco.

Il motiv per quels accidents n'è betg cler – forsa è tut mo casualitad, disfortuna u la concentraziun che mancava.

Ina tura che pretenda plaina attenziun

Il Piz Bernina è ina tura, che pretenda da l'entschatta fin tar l'ultim mument plaina concentraziun. Passaschas da clav datti ina massa, ils alpinists discurran da var set. Ma era en lieus main privlus è il privel da crudar omnipreschent.

RR actualitad 08:00

Artitgels legids il pli savens