Siglir tar il cuntegn

Header

cuntegn

Engiadina Ftan: Gea al project «Chance plus»

La regenza è d'accord da sustegnair la purschida per in 10avel onn da scola a l'Institut otalpin a Ftan per ina fasa d'emprova da trais onns. Questa purschida duai pledentar giuvens e giuvnas tranter 15 e 19 onns.

Giuvenils ch'han terminà la scola obligatorica e na san anc betg en tge direcziun s'orientar, ubain giuvenils che han difficultads da s'integrar u che han deficits da furmaziun duain pudair frequentar in ulteriur onn da scola avant ch'entrar en la vita professiunala.

L'Institut otalpin a Ftan vul offrir in onn che cumpiglia 40 emnas da scola cun 40 enfin 45 lecziuns assistidas. Quatter dis ad emna duain star a disposiziun per la savida generala ed in di duain ils scolars avair la pussaivladad da far experientschas praticas en in'interpresa per avair ina relaziun cun il mund da lavur. Latiers duai dar trais fufragnadis durant l'onn. La regenza vul sustegnair quest project sur trais onns cun agid finanzial.

La decisiun da la regenza per in credit posteriur sto dentant anc vegnir approvada entras il Cussegl grond.

RR novitads 9:00

Artitgels legids il pli savens