Avant in’emna èn sa distatgads otg grips pli gronds da la muntogna sur Ardez.
La grippa è sa fermada in toc sur il cumin en in plaun, senza chaschunar donns pli gronds. Donns haja quai dà be vi da la prada e singula bostga dal guaud da protecziun.
Ils responsabels da la vischnanca da Scuol observan uss la regiun da privel sur Ardez. L’uffizi da guaud chantunal è vi dal far in’expertisa per valitar il privel ed evaluar eventualas mesiras da segirezza.
Cun ils resultats da quest’expertisa èsi da far quint en radund in mez onn.