Jon Fadri Huder ha survegnì 584 vuschs. I n'aveva betg dà cuntercandidats per l'uffizi dal president communal. En la suprastanza communala datti dentant dus novs commembers. Per ils dus sezs che vegnan libers hai dà pliras candidaturas.
Elegids èn Andry Niggli e Paolo La Fata. Confermads sco suprastants communals èn Silvano Manzoni, Andrea Parolini, Gian Sutter ed Annigna Nick Steiner.
Gea a credit per serenera regiunala
Samedan di era gea al credit per construir la nova serenera regiunala per l'Engiadin'Ota. La populaziun ha ditg gea cun 774 vuschs encunter 128 vuschs al credit da 13,1 milliuns. En tut duai la serenera custar 76,5 milliuns francs.
San Murezzan ha era ditg gea al credit. Lez pajan 31,2 millins.
RR novitads 14:00