Engiadina - Il muvel ha tegnì dir malgrà l'aura fraida
La naiv e la fradaglia era per il muvel difficil. Var 140 animals han fatg frunt ed èn restads fin al di dad oz sin l'Alp Laret a Schlarigna – quai pussibilitescha ina stgargiada d'alp cun maletgs tradiziunals.
Da restar cun il muvel fin oz sin l'Alp Laret sur Schlarigna n'è betg stà simpel. La naiv e las temperaturas fraidas eran per il paster e per ils animals ina sfida.
Sur stad eran 300 tocs muvel sin l'Alp Laret sur Schlarigna. 150 èn ids a chasa avant curt – 140 vatgas e vadels èn restads fin al di dad oz sin alp. Quels han oz, venderdi ils 22.09.2017, procurà per ina stgargiada tradiziunala e per maletgs enconuschents.
Temperaturas fraidas e naiv
L'aura da las ultimas emnas n'è betg stada optimala per il muvel ad alp. Bler da magliar n'han els betg gì e para sa bada quai era vi da la prestaziun da latg. Las vatgas dovran uss era in pau dapli tgira e pavel però sperditas pervi da la naiv n'han els betg gì.
Da stgargiar tut las vatgas pli baud pervi da la naiv n'è betg stà pussaivel, quai or da motiv da la capacitad da transport. Uschia han muvel e paster stuì far frunt a l'aura trida e tegnair dir.
La bell'aura cumpensescha tut
Da pudair far la stgargiada da bell'aura è per mintga pastriglia il pli bel. Elmar Bigger, il chau d'alp di, che quai cumpenseschia per bleras stentas e fadias. La stgargiada vegn festivada dapi passa 40 onns en maniera tradiziunala a Schlarigna. Dapi var 12 onns è quel eveniment ina festa per tut il vitg.
1 / 11
Legenda:
Per finir la stagiun d'alp duessan las vatgas esser las pli bellas.
RTR, Ulrica Morell
2 / 11
Legenda:
La decoraziun
Ina dunna ha lavurà dus dis vi da la decoraziun da flurs.
RTR, Ulrica Morell
3 / 11
Legenda:
Las giuvnas
Las giuvnas vegnan decoradas sco emprimas, però propi plaschair nun han ellas betg.
RTR, Ulrica Morell
4 / 11
Legenda:
Las vatgas pli veglias sa laschan decorar pli facil
Decorar las vatgas n'è betg adina facil, la vatgas pli veglias enconuschan la procedura dals ultims onns.
RTR, Ulrica Morell
5 / 11
Legenda:
Far urden cun las stgellas e plumpas
Cun 140 tocs muvel, stgellas e plumpas sto insatgi tegnair la survista.
RTR, Ulrica Morell
6 / 11
Legenda:
Las vatgas èn prontas per il cortegi
140 vatgas spetgan sin il cortegi. Las vatgas pli veglias han la decoraziun da flurs sin il chau, las pli giuvnas, vul dir, quellas da var dus onns e mez portan las flurs sin il dies.
RTR, Ulrica Morell
7 / 11
Legenda:
Las vatgas spetgan sin il cortegi
Las vatgas pli veglias enconuschan la procedura. Ellas spetgan sin il cortegi. Las 140 vatgas èn tranter dus onns e mez e 19 onns veglias.
RTR, Ulrica Morell
8 / 11
Legenda:
Cortegi tras il vitg
In maletg tradiziunal tras il vitg da Schlarigna.
RTR, Ulrica Morell
9 / 11
Legenda:
La stgargiada fa plaschair
Il cortegi è in'attracziun per indigen e giast.
RTR, Ulrica Morell
10 / 11
Legenda:
In pau patriotissem sto era esser
Las emprimas vatgas han purtà la crusch svizra sin il chau.
RTR, Ulrica Morell
11 / 11
Legenda:
Cortegi
La muaglia fa buna parada.
RTR, Ulrica Morell
