La finamira - fibra da vaider fin en chasa

Cun la «FTTH Conference» vuless ins scriver in nov chapitel. Numnadamain far il pass da la planisaziun en la fasa operativa. Ils emprims clients duessan retschaiver la fibra da vaider fin en chasa.

Giasts taidlan cun interess al referent CEO David Bosshard dal Gottlieb Duttweiler Institut. Bild in Lightbox öffnen.

Legenda da maletgs: Giasts taidlan cun interess al referent CEO David Bosshard dal Gottlieb Duttweiler Institut. RTR, Georg Luzzi

Sursiglir cuntegn supplementar

Openaxs «FTTH Conference»

La FTTH Conference vegn organisà da la associaziun «openaxs» che promova ina infrastructura da telecommunicaziun per tut la surfatscha svizra. La finamira da openaxs è da porscher «fibra da vaider» da gronda surfatscha. Commembers da la firma «openaxs» en numerusas firmas da telecommunicaziun svizras. La sedia da l'associaziun sa chatta a Berna.

Organisatur da la 6avla ediziun d’ina «FTTH Conference» è l’associaziun da las fatschentas svizras che promova indriz da transmissiun lartg «openaxs».

A la «FTTH Conference» èn envidads tut ils affars da commerzi e mastergn da l’Engiadina Bassa. Cun la conferenza vulan ils iniziants da «mia Engiadina» illustrar ils avantatgs da fibra da vaider fin en chasa.

Enconuschents referents èn da la partida. Da David Bosshard, CEO dal Gottlieb Duttweiler Institut, Thomas Egger, il directur da la gruppa svizra per las regiuns da muntogna fin in represchentant da Berna che maina ils salids da la Confederaziun, Marc Furrer da la ComCom.

Oberhausen - la vischnanca innovativa

Er in referent da l’ester è preschent. Il burgamester da la vischnanca da «Oberhausen an der Donau» en Baviera. Oberhausen ha realisà avant tschintg onns quai che la «MiaEngiadina» vuless realisar en Engiadina Bassa en ils proxims onns.

Mia Engiadina entschaiva fasa operativa

Rait da fibra da vaider daventa adina pli concreta

1:08 min, dals 18.8.2016

Public Wlan sin plazzas publicas a Scuol e l’avertura d’in Mountain Hub, quai èn duas innovaziuns che la gruppa mia Engiadina ha annunzià a chaschun da la conferenza.

2 onns ha mia Engiadina uss filà vid la strategia. A partir dad immediat pon ins vegnir commember da la gruppa ed uschia promover la finamira principala, numnadamain realisar in’atgna colliaziun cun ina rait da fibra da vaider da La Punt Chamues-ch enfin a Scuol.