Siglir tar il cuntegn

Header

video
Pers il cumbat - Silvaplana di na a la taxa sin 2. abitaziuns
Or da Telesguard dals 10.03.2016.
laschar ir. Durada: 4 minutas 3 Secundas.
cuntegn

Engiadina La taxa sin segundas abitaziuns è giud maisa

Quai suenter dispitas e cumbats ils davos 6 onns. La dumonda schebain la taglia è legala ha manà las partidas fin davant Tribunal federal. Suenter la decisiun dal Tribunal federal ha ina gruppa da giuvens indigens lantschà l'iniziativa per abolir la taglia - cun success.

audio
Nagina inposta per 2. abitaziuns a Silvaplauna
ord Actualitad dals 09.03.2016.
laschar ir. Durada: 3 minutas 55 Secundas.

La presidenta communala Claudia Troncana ha spetgà in auter resultat. La dischillusiun saja qua, i valia dentant sco adina d’acceptar la decisiun, di Troncana. Ella tema unic per il futur da la vischnanca, surtut quai che pertutga la hotellaria. Silvaplauna ha pers ils davos onns 9 hotels. Las entradas da la taglia fissan vegnidas duvradas per sustegnair quest sectur.

Anc nagin augment da la taxa da cura

Er il cumpromiss, dal qual i è vegni discurrì avant la radunanza da mesemna saira è betg daventà realitad. Bain ha la radunanza decidì d’augmentar la taxa, ma betg anc per l'onn 2017. Ins vul l'emprim spetgar sin il preventiv per savair co ch'i stettia cun las finanzas. Ultra da quai pudessi era qua puspè dar discussiuns animadas. Ils adversaris da la taglia per 2. abitaziuns èn numnadamain era cunter in augment maximal proponì da la suprastanza. Tenor quest pajass insatgi che posseda in'abitaziun da 1.5 stanzas da nov 400 empe da 200 francs l'onn.

audio
Nagina decisiun cun valur da signal
ord Actualitad dals 11.03.2016.
laschar ir. Durada: 2 minutas 21 Secundas.

Regenza accepta l'autonomia communala

La regenaza grischuna na vul betg commentar la decisiun da Silvaplauna. Quai saja plainamain ina chaussa da l'autonomia communala ha ditg il cusseglier guvernativ Jon Domenic Parolini envers RTR. Per la regenza na saja questa decisiun era betg ina decisiun cun valur da signal. Mintga vischnanca stoppia chattar ina soluziun per sasez per finanziar l'infrastructura turistica ha ditg Parolini.

video
Co tut aveva cumenzà a Silvaplauna
Or da RTR dals 18.02.2010.
laschar ir. Durada: 2 minutas 29 Secundas.

Artitgels legids il pli savens