La Tessanda Val Müstair ha in administratur ad interim

La fundaziun «Manufactura Tessanda Val Müstair» è senza cussegl da fundaziun. Tut ils 5 commembers han inoltrà la desditga per immediat. La surveglianza da fundaziuns Grischuna ha preservà per ina cuntinuaziun cun installar in administratur ad interim.

La chasa da la Manufactura Tessanda Val Müstair a Sta. Maria Bild in Lightbox öffnen.

Legenda da maletgs: La chasa da la Manufactura Tessanda Val Müstair a Sta. Maria RTR, D. Spinnler

Il motiv ch'ils commembers da la fundaziun han inoltrà la desditga avant bun in'emna è la disfidanza tranter collavuraturas e commembers da la fundaziun. Dapi onns manca ina manadra da gestiun per la stiva da taisser, causa quai ha il cussegl da fundaziun s’intermess era en la part operativa e betg mo en la part strategica.

Administratur Conrad duai drizzar

La surveglianza da fundaziuns Grischuna ha ussa installà in administratur ad interim. Quel duess procurar che la gestiun funcziuna enavant ma era ir in tschertga da novs commembers per la fundaziun «Manufactura Tessanda Val Müstair».

L’administratur ad interim Michael Conrad lavura dapi onns a San Murezzan, sco Jauer conuscha el la Val Müstair. El è persvas da chattar ina soluziun per la gestiun da la Tessanda ma era da chattar candidats che èn pronts d’entrar en la fundaziun.

La demissiun «in corpore» …

RR actualitad 17:00