Il purtret che sa mussa actualmain sin ils radund 2’100 meters sur mar è rar. Il lai da serra è vid e senza aua survegnan ils lavurers ina invista insolita en tut ils trais plazzals da fabrica.
En il center da quellas lavurs stattan dad ina vart las revisiuns da las clappas da svidar il lai e las lavurs da mantegniment vi dal grip che è sut aua. Da l’autra vart sto er la pendiculara che maina da la val sin il lai Albigna vegnir renovada. Ils cust totals muntan a radund 20 milliuns francs e cuzzan fin la fin da la stad.