Luf ha stgarpà agnels en la Val Müstair

L’emprim mument èsì vegnì suspectà ch'i sa tracta dad in’attatga d’in chaun perquai che trais animals eran be blessads e betg magliads cumplettamain sco quai ch’igl è normalmain usit tar in luf. Emprimas provas da DNA han entant cumprovà ch’i sa tracta d’in luf.

luf Bild in Lightbox öffnen.

Legenda da maletgs: I pudess er sa tractar d'in luf giuven, causa che l'animal n'ha betg maglià tut ses butin. Keystone

En tut haja l’animal da rapina attatgà quatter agnels ch'eran en vischinanza dal bain puril sin territori da Sta. Maria, protegids en ina saiv. D'in agnè n’hajan ins chattà pli nagut. Quai ha confermà Guolf Denoth, schef guardiaselvaschina Engiadina Bassa / Val Müstair ad RTR. Ins haja pudì salvar dus agnels blessads, in agnè percunter ha pudì vegnir spendrà.

Conferma per F18 manca anc

Las proximas emnas vegnan analisadas las provas ch’il guardiaselvaschina ha ramassà al lieu dal delict. Fin che la DNA da l’animal è clera, duria fin in mais, ha agiuntà Guolf Denoth. La probabilitad saja dentant gronda ch’i sa tractia da la luffa F18 ch'è gia dapi in temp en la regiun.

RR novitads 12:00