Durant tut il mais da fanadur organisescha il «Festival da jazz» a San Murezzan concerts da jazz cun bands da renum mundial en l’Engiadin’Ota. In da quels ha lieu sin 2’500 meters sur la mar. La band americana «Mother’s Finest» concertescha a Muottas Muragl.
Baby Love
La band fundada en ils onns 70 è vegnida enconuschenta oravant tut cun il toc «Baby Love». Ils 6 musicants dad Atlanta (USA) èn sin turnea en Europa. Cun Mottas Muragl cuntanschan els la culmaina da lur turnea.
Pokemon Go per far reclama
Per attrair dapli aspectaturs sin la muntogna han ins nizzegià in trend che attira a giuven e vegl. Las pendicularas han communitgà ch’ins vegn a chattar anc animals dal gieu da Pokemon GO a Muottas Muragl la saira dal concert.