Siglir tar il cuntegn

Header

video
Ideas novas da l'ETH per la colliaziun tranter Scuol e Damal
Or da Telesguard dals 22.09.2016.
laschar ir. Durada: 3 minutas 59 Secundas.
cuntegn

Engiadina Nagin futur per la viafier da Scuol a Damal e Landeck

Students da la Scola Politecnica federala ETH avevan planisà ina lingia da viafier senza tunnels sin quest traject.

audio
Bunura: ETH Turitg cun project da colliar Scuol, Damal e Landeck
ord Actualitad dals 22.09.2016.
laschar ir. Durada: 2 minutas 34 Secundas.

L'idea da colliar entras la viafier las regiuns da Scuol en l'Engiadina, Damal en il Vnuost e Landeck en il Triol exista gia daditg. Ils projects ch'èn stads sin maisa enfin ussa n'èn mai vegnids realisads. Uss han students da la Scola Politecnica federala gì l'incumbensa d'elavurar in project senza tunnels pli lungs.

Lavur da semester

L'incumbensa era d'elavurar ina lingia da viafier senza tunnels che va bain a prà cun la cuntrada. La mesemna han ils docents preschentà las differentas lavurs en la scol'auta per tecnica ed economia HTW a Cuira.

Viafier Retica di na

Per la Viafier Retica ch'avess da bajegiar or sia lingia da tren davent da la staziun da Scuol n'è quai betg realisabel. Il project che custass da quai da 2,5 milliardas francs saja fitg interessants, ma il mument hajan auters projects prioritad, ha ditg Karl Baumann da la RhB. Uschia ch'il project per ina colliaziun en l'Italia ed en l'Austria vegn probabel mess ad acta ina giada dapli.

In project cun lunga istorgia

L'onn 1907 aveva la viafier survegnì la lubientscha per bajegiar ina lingia da viafier tranter Scuol ed il Tirol. L'emprima guerra mundiala ha dentant fatg in stritg tras quests plans. L'onn 2005 è la colliaziun tranter Scuol e Damal ubain Scuol e Landeck puspè daventada in tema tar la Viafier Retica. Ils projects ch'eran lura sin maisa han dentant stuì vegnir abolids, principalmain pervi dals custs enorms.

RR actualitad 08:00

Artitgels legids il pli savens