Suenter l'intoxicaziun cun PCB en il Spöl il november 2016 è tenor l‘Uffizi federal d'energia il privel grond ch’il sediment contaminà cun la substanza nuschaivla pudess vegnir lavada davent. Quai en il cas che l’OEE auzass la quantitad da l’aua restanta dal livel d’enviern sin quel da stad.
Tenor ina publicaziun en il fegl uffizial èn las ovras ord quest motiv obligadas da mantegnair durant ils 16 da matg enfin ils 30 da settember 2017 il livel da l’aua restanta d’enviern che é pli bass. Ultra da quai na dastgan las ovras betg iniziar auazuns artifizialas durant quest temp.