Naginas auazuns artifizialas dal Spöl il proxim temp

L‘Uffizi federal d'energia ha ordinà a las Ouvras Electricas d’Engiadina (OEE) da mantegnair durant la stad la quantitad da l’aua restanta per il Spöl sin il livel d’enviern. Quai sco mesira preventiva.

Il Spöl durant in'auazun artifiziala. Bild in Lightbox öffnen.

Legenda da maletgs: Ina tala auazun na vegn ins betg a vesair durant questa stad. RTR, Dario Müller

Sursiglir cuntegn supplementar

Tge è PCB?

PCB è in chlorid organic che vegniva duvrà sco isolaziun en condensaturs, transfurmaturs, ieli idraulic, colurs ni collas.Tenor l’uffizi federal per sanadad, tutga PCB tar las substanzas nuschaivlas persistentas. La Svizra è sa obligada d'identifitgar nua che PCB vegn avant ed eliminar quest. L'onn 1986 hai dat in scumond general per PCB.

Suenter l'intoxicaziun cun PCB en il Spöl il november 2016 è tenor l‘Uffizi federal d'energia il privel grond ch’il sediment contaminà cun la substanza nuschaivla pudess vegnir lavada davent. Quai en il cas che l’OEE auzass la quantitad da l’aua restanta dal livel d’enviern sin quel da stad.

Tenor ina publicaziun en il fegl uffizial èn las ovras ord quest motiv obligadas da mantegnair durant ils 16 da matg enfin ils 30 da settember 2017 il livel da l’aua restanta d’enviern che é pli bass. Ultra da quai na dastgan las ovras betg iniziar auazuns artifizialas durant quest temp.