En l'areal da l’arriv èn vegnids fatg ils gronds fabricats provisorics. En il center stà la tribuna cun in'autezza da 16 meters e cun plazzas per var 5'000 persunas.
Lura han ils visitaders pudì dar in cuc en la tenda da VIP e la tenda per ils voluntaris: Tuttas duas tendas han plazza per radund 1'500 persunas. Ultra da quai èn er vegnidas preschentadas las pistas cun la partenza spectaculara da la cursa rapida dals umens.
Concert da 77 Bombay Street
Il punct culminant da la fin d’emna è stà il concert da la gruppa 77 Bombay Street la sonda saira. La gruppa dal Grischun ha er scrit e chantà la chanzun uffiziala dals Campiunadi mundials 2017 a San Murezzan.
RR actualitad 07:00