Pestgar sin glatsch: Resultat na cuntenta betg

La finamira dal project è da diminuir la populaziun dal Namaycush en il lai da Segl. Da 100 peschs vegniva discurrì avant il project. Ina cifra da quella ins è lung davent. Il president da la societad da pestgader Segl, Antonio Walther, n'è perquai era betg propi cuntent cun il resultat.

Quai vala dentant mo en connex cun la statistica. Patentas han els vendì radund 350, l'interess è pia stà grond e quai è impurtant. Era n'hai dat naginas reacziuns negativas durant ils 20 dis durant ils mais schaner fin mars, di Antonio Walther.

Tge din Pro Lej da Segl e chantun?

In'impressiun ch’era Jost Fallet, il president da la Pro Lej da Segl ha. L'entschatta saja la societad stada fitg sceptica, perquai ch'els na vesian betg il senn d'era stuair pestgar l'enviern.

«  Il ruaus dals pestgs n’è betg vegnì disturbà. »

Jost Fallet
President da la Pro Lej da Segl

La finamira dal project, numnadamain da reducir la populaziun dal Namaycush, n'è er betg vegnida ademplida.

Tenor il chantun na possian ins il mument anc betg dir co ch’il futur dal project vesia or. L'onn proxim vegn almain puspè pestgà. Tge che capitia suenter, saja il mument anc avert. Quai ha ditg il survegliader da pestga Reto Gritti.

RR actualitad 12:00