Piz Badile - lieu da naschientscha da la sola da Vibram

150 onns primascensiun sin il Piz Badile festivescha la Val Bregaglia dals 14 fin ils 16 da fanadur. In coloss da granit cun bleras istorgias, oravant tut quella da la sola da Vibram.

Laschar ir video «150 onns primascensiun Piz Badile»

150 onns primascensiun Piz Badile

1:28 min, dals 14.7.2017

La sola da Vibram, quella cun il punct mellen entamez, è enconuschenta sin quasi tut il mund. Naschida è la sola da Vibram èn la Val Bregaglia l'onn 1937.

Vitale Bramani il fundatur

Vitale Bramani èra in alpinist passiunà. L'onn 1935 han el e ses cumpogns empruvà da rampignar si da la paraid dal nordvest dal Piz Badile. Trid’aura ha chaschunà ina disgrazia, sis umens èn morts.

Vitale Bramani ha gì fortuna. El è silsuenter turnà ed ha cumenzà a tschertgar ina soluziun per ina buna sola da chalzers. Ina collavuraziun cun la firma Pirelli ha manà al success.

La ruta Bramani-Castiglioni

Cun agid da la nova sola da Vibram è Vitale Bramani finalmain arrivà cun ses ami Ettore Castiglioni, da raiver si da la paraid glischa vers nordvest enfin sin il Piz Badile – l’entschatta dal success da la sola da «Vibram».

RR actualitad 08:00