L'october 2016 han dus commembers dal cussegl administrativ da la Piz Tschütta SA inoltrà la desditga. Cun quest pass era la Piz Tschütta SA betg abla da trair proximas mesiras.
L’inspecturat dal register funsil e register da commerzi ha dà, causa la mancanza da commembers dal cussegl administrativ, anc temp 30 dis per s'organisar da nov. Quel temp è passà senza che la Piz Tschütta SA è vegnida activa.
Decisiun finala
La dretgira regiunala Engiadina Bassa/Val Müstair ha publicà ils proxims pass. La Piz Tschütta SA vegn schliada e la liquidaziun vegn ordinada tenor las prescripziuns dal concurs. L’uffizi da concurs vegn ussa incumbensada da far la liquidaziun sch'i na dat nagins recurs encunter questa decisiun entaifer ils proxims 30 dis, vul dir ils 18 da mars 2017.
RR novitads 12:00