Siglir tar il cuntegn

Header

cuntegn

Engiadina Puntraschigna: 5'000 empè da 60'000 francs per Origen

La vischnanca da Puntraschigna ha concedì ina contribuziun da 5'000 francs per il teater temporar d'Origen sin il pass dal Güglia. Giovanni Netzer, l'intendant dal festival da teater, aveva dentant dumandà 12 giadas dapli.

60'000 francs repartids sin trais onns, pia mintg'onn 20'000 francs, uschè bler aveva Giovanni Netzer quintà per la vischnanca da Puntraschigna tenor ina clav da repartiziun. La suprastanza communala ha decidì da pajar per l'onn proxim 5'000 francs, quants daners che la vischnanca paga ils onns vegninds e sche insumma, gliez è avert.

La vischnanca da Puntraschigna na saja betg involvida en il project da la tur d'Origen sin il Güglia ed ella na vesia er nagin niz direct per Puntraschigna. Plinavant saja la suprastanza surstada da la repartiziun dals custs d'Origen. Tenor quella duessi la regiun Maloja pajar ils proxims trais onns total 900'000 francs vid il teater intermediar d'Origen sin il Güglia.

audio
Bunura: Puntraschigna cun pitschen sustegn per Origen
ord Actualitad dals 23.09.2017.
laschar ir. Durada: 47 Secundas.

RR novitads 06:00

Artitgels legids il pli savens