Ils 54 votants preschents han acceptà unanimamain il quint annual da la vischnanca. Ils debits han pudì vegnir reducids per passa 4 milliuns francs sin anc 41.5 milliuns francs. Quai surtut grazia a la vendita dad ina parcella en il territori da Cho d'Punt.
Gea era a cunvegna da prestaziun
La radunanza communala da Samedan ha ditg gea era a la cunvegna da prestaziun per il Museum Engiadinais. La vischnanca da Samedan paja en avegnir mintg'onn radund 35'000 francs a la fundaziun che gestiunescha il museum a San Murezzan. La fundaziun survegn a la fin 250'000 francs ad onn da tut las vischnancas en Engiadin'Ota per la gestiun dal museum. Quai pervia che la regiun scroda sco purtadra dal museum.