San Murezzan: Dunna è sa blessada grevamain a la staziun

Ina dunna dad 83 onns è sa blessada grevamain dumengia en damaun tar in accident a la staziun da San Murezzan. Quai communitgescha la Polizia chantunala.

Staziun a San Murezzan. Bild in Lightbox öffnen.

Legenda da maletgs: La dunna dad 83 onns è grev blessada. MAD

La turista da la Svizra haja empruvà curt avant las 10 d’entrar en il tren cura che quel era gia en moviment. Tar l’emprova è ella glischnada tranter il perrun ed il tren. Schebain ch'ins haja tratg il frain d'urgenza saja il tren i sur sia chomma dretga ora.

Cun grevas blessuras da la chomma ha la REGA transportà la dunna en l’ospital chantunal a Cuira.

RR novitads 20:00