Il contract è vegnì prolungà enfin l’onn 2060. Ina adattaziun dal contract è stada necessaria per insumma pudair bajegiar la nova schanza. Las tractativas han cuzzà radund in onn. La stad duai vegnir cumenzà cun la construcziun da la nova schanza da siglir.
Project lej dals chöds vegn a dar da discutar vinavant
La prolungaziun dal contract saja in success per las organisaziuns d’ambient WWF e Pro Natura. Quai ha ditg Jacqueline von Arx, manadra da Pro Natura Grischun. Dal tut cuntentas n’èn ellas dentant anc betg. I n’è numnadamain betg grategià da metter sut protecziuns l’entira costa enfin l’onn 2060. La parcella lej dals chöds, che pussibilitass ina eventuala pendiculara da San Murezzan sin il Corvatsch, è mo protegida enfin l’onn 2030. La finamira da las organisaziun d’ambient resta da midar quest fatg.
RR novitads 16:00