Engiadina - Scuol, in onn suenter las grondas bovas
Ils 22 fanadur 2015 va en las analas tar la vischnanca da Scuol. Nivels nairs han chaschunà per in urizi terribel. Vias, chasas, punts, ierts e prada èn vegnids devastads. Ussa in onn pli tard ves'ins anc ils fastizs.
La vischnanca da Scuol è vegnida pertutgada en divers lieus dad urizis. Cumenzà ha tut en la val Triazza. La bova da la val Triazza aveva donnegià diversas chasas da la fracziun Pradella. En ina da quellas chasas sa chattava ina colonia da giuvenils che faschevan vacanzas. Per gronda fortuna han ins reagì a temp e nagin è vegnì blessà.
In di suenter èn stads pertutgads era ils abitants da la fracziun Scuol. La Clozza ha donnegià ierts, chamonas, prada ed era prendì cun ella in auto.
audio
Scuol, in onn suenter las grondas bovas
02:52 min, ord Actualitad dals 22.07.2016.
laschar ir. Durada: 2 minutas 52 Secundas.
In onn pli tard
Las lavurs da restauraziun èn fatgas, ma en singuls lieus vesa ins anc fastizs da l'urizi. Sco proxim sto la vischnanca s'occupar da la segirezza. In concept è en elavuraziun. Jon Carl Stecher, il manader tecnic da la vischnanca da Scuol prevesa custs da maximal 10 milliuns francs per realisar quest concept da segirezza.