Siglir tar il cuntegn

Header

cuntegn

Engiadina Trais candidats per il presidi communal a S-chanf

Peter Angelini, Gian Andrea Bott e Gian Fadri Largiader candideschan per la successiun da Duri Campell sco president communal da S-chanf.

Peter Angelini è stà divers onns en il cussegl communal, er sco vicepresident, e lavura sco pur. Gian Andrea Bott è dapi il 2011 vicepresident, avant è el sta dus onns en il cussegl communal ed è medemamain pur. Durant dus onns è Gian Fadri Largiader stà en il cussegl communal e ha gì ulteriuras caricas en favur da la vischnanca. El lavura sco guardiaselvaschina.

Peter Angelini vul daventar nov president communal da S-chanf.
Legenda: Peter Angelini vul daventar nov president communal da S-chanf. RTR, Reto Mayer

Esser president communal da la vischnanca da S-chanf, per la populaziun da S-chanf e chattar il dialog cun ils da S-chanf, quai vuless Peter Angelini sco president communal. Sper il turissem vul el promover il commerzi, mastergn e l’agricultura. Ina ulteriura finamira è er da survegnir puspè in hotel ed in ustaria en vischnanca.

S

Gian Andrea Bott, il vicepresident actual candiescha per il post da president.
Legenda: Gian Andrea Bott, il vicepresident actual candiescha per il post da president. RTR, Reto Mayer

Sco vicepresident actual vul Gian Andrea Bott cuntinuar cun las lavurs cumenzadas, tegnair ensemen la populaziun da S-chanf. Plinavant è la reorganisaziun regiunala da gronda impurtanza ed er per el è in hotel ed ina ustaria en vischnanca in project che ha emprima prioritad.

Gian Fadri Largiader è il terz candidat che vul daventat president communal da S-chanf.
Legenda: Gian Fadri Largiader è il terz candidat che vul daventar president communal da S-chanf. RTR, Reto Mayer

In svilup adattà resguardond las finanzas vesa Gian Fadri Lagiader, il terz candidat sco finamira impurtanta. Plinavant posiziunar la vischnanca da S-chanf en la regiun Malögia, ina communicaziun averta cun la populaziun ed er cun la giuventetgna. In hotel ed ina ustaria è er per Gian Fadri Largiader ina finamira impurtanta.

Artitgels legids il pli savens