Tras la Svizra en in di a pe

Mintg’onn spèr ha lieu sin il territori da Sent in’occurrenza da sport unica e speziala. Sin ina distanza da 34.5 kilometers traversan enturn 80 enfin 120 curriduras e curridurs da Sent e d’utrò l’entir territori da Sent che cunfina al nord cun l’Austria ed al sid cun l’Italia.

Laschar ir video «La traversada festivescha quest onn ses 15avel giubileum»

La traversada festivescha quest onn ses 15avel giubileum

9:19 min, Actualitad video dals 6.7.2015

Era quest onn pon ils organisaturs da la traversada esser cuntents. En tut èn 118 persunas sa participadas a la cursa da giubileum. Quai èn mo 10 persunas pli pauc ch'il 2011, l’onn da record cun 128 participantas e participants.

Ils 34.5 kilometers correspundan a var 50 kilometers da prestaziun

Schebain che singulas persunas prendian questa occurenza pli serius e curran, stat en emprima lingia il divertiment en il center e quai gia dapi l’entschatta il 1987. Da la partenza en la chamona Fenga enfin l'arrivada en la chamona Sesvenna stat perquai tut sut l'ensaina da l’idea oriunda, numnadamain giudair la cumpagnia e vegnir en cuntact cun la natira e las singularitads dal territori da Sent.