L'istorgia dad Uorsin, che vuleva per la festa da Chalandamarz ina plumpa e betg mo ina pitschna brunsina, è ida enturn il mund. Ses lung viadi dal vitg da Guarda si sin il primaran tar la plumpa bramada è vegnida concepì da nov sco senda tematica.
1 / 7
Legenda:
La guida Jachen Caviezel raquinta sin ina da las staziuns da la senda l'istorgia da Guarda.
RTR, Georg Luzzi
2 / 7
Legenda:
«Tge fortuna, jau n’ha betg survegnì la stgella» patratga la giuvna.
RTR, Georg Luzzi
3 / 7
Legenda:
Uffants chaminan sin la punt pendenta e Jachen Caviezel raquinta.
RTR, Georg Luzzi
4 / 7
Legenda:
Il primaran cun la plumpa dad Uorsin.
RTR, Georg Luzzi
5 / 7
Legenda:
Cumbinellas sin il viadi sin e dal primaran.
RTR, Georg Luzzi
6 / 7
Legenda:
La mamma dad Uorsin spetga cun brama cha ses figl riva a chasa.
RTR, Georg Luzzi
7 / 7
Legenda:
A la fin da la senda tematica è la bella porta da la chasa dad Uorsin.
RTR, Georg Luzzi
Sin il fastizs dad Uorsin vegn ins tar la punt pendenta, ins chamina sin sugas che signifitgan il travatgar tras la naiv enfin tar il primaran tar la gronda plumpa dad Uorsin.
audio
Guarda inaugurescha la nova senda da Uorsin da la stgella
02:54 min, ord Novitads dals 19.07.2017.
laschar ir. Durada: 2 minutas 54 Secundas.
Cun returnar vers chasa maina la senda tar diversas cumbinellas, in bel lai e per finir pro la porta engiadinaisa che simbolisescha il dachasa da Uorsin: Uss è el finalmain a chasa Uorsin, cuntent sco in retg d’avair la pli gronda plumpa per la festa da Chalandamarz.
Il project ha custà 85’000 francs ed è vegnì finanzià da la vischnanca da Scuol ensemen cun il chantun Grischun.
