Siglir tar il cuntegn

Header

video
Val Müstair – uschè paucs peschs sco anc mai en il Rom
Or da Telesguard dals 24.05.2017.
laschar ir. Durada: 3 minutas 58 Secundas.
cuntegn

Engiadina Uschè paucs peschs sco anc mai en la Val Müstair

Las malauras dal 2015 han gì consequenzas fatalas per ils peschs en il Rom. Ina gronda part dals radund 10’000 peschs èn crappads causa concentraziuns da sediment massa autas en l’aua. Quai mussan las cifras en la statistica da pestga dal 2016 dal Uffizi da chatscha e pestga dal Grischun.

audio
Bunura: Problem da peschas en il Rom / Val Müstair
ord Actualitad dals 25.05.2017.
laschar ir. Durada: 3 minutas 8 Secundas.

Mo 57 peschs en vegnids pestgads l’onn passà en il Rom. Quai èn varga 14 giadas pli paucs peschs che la media dals ultims 10 onns. Suenter las malauras dal 2015 èn millis da peschs crappads. Il motiv tenor l’Uffizi da pestga, concentraziuns da sediment en l’aua ch’èn stadas radund 15 giadas pli autas che normal.

En pli s’ha era diminuì il numer da pestgaders e cunquai era las pestgadas l’onn passà. D’ina media da 619 pestgadas giu sin mo 112 pestgadas. Vul dir ch’era il success per pestgada è sa diminuì. Per prender in pesch il 2016 han ils pestgaders duvrà bunamain duas pestgadas. La media dals ultims 10 onns era anc tar 1.3 peschs per pestgada.

Tenor l’Uffizi da pestga dovra il Rom ussa en emprima lingia quietezza ed chapientscha tar ils pestgaders. Enfin ch’il nov allevament da peschs è sa sviluppà ed il flum puspè sa remess, possia quai anc durar 5 enfin 7 onns.

Legenda:
Statistica da pestga 2016 Il svilup dal quotient da pestga en cumparaziun cun la media da la pestga dals ultims 10 onns. Uffizi da chatscha e pestga dal Grischun

Artitgels legids il pli savens