Zernez e S-chanf senza label «Unesco» sin products

Zernez e S-chanf han decis da betg vulair esser en ina zona circumdanta dal Parc Naziunal e cun quai era betg ina zona da svilup. Cun questa decisiun astgan els betg trair a niz il label «Unesco» per products.

La survista da la zona circundanta enturn il Parc Naziunal Svizzer, cotschen Zernez e S-chanf Bild in Lightbox öffnen.

Legenda da maletgs: La survista da la zona circundanta enturn il Parc Naziunal Svizzer RTR

Zernez e S-chanf han terren che suttastat en avegnir al label «Unesco Biosfera Engiadina Val Müstair». Tar quest terren sa tracti dal territori ch'è en il Parc Naziunal Svizzer. Cun ina zona circumdanta avess ins era pudì realisar zonas da svilup. En lezzas zonas da svilup pon tut ils affars e tut las alps che sa chattan en quella zona lura vender lur products sut il label «Unesco». Damai che Zernez e S-chanf n'han betg vulì far part da la zona circumdanta, na pon els era betg far part dal label «Unesco».

Per Zernez ed era per S-chanf èsi cler, il suveran ha decis il 2015 e quella decisiun èsi da respectar. Els na vulan er uss betg far part da la zona circumdanta, er sche il Reservat da Biosfera Engiadina Val Müstair po salvar il label da l'Unesco.

Il logo dal Parc Naziunal Svizzer è ferm

Il president communal da Zernez na vesa nagin dischavantatg. Il logo dal Parc Naziunal è passa 100 onns vegl e pli enconuschent. Betg mo Zernez, mabain tut la regiun profita da quai logo.

RR actualitad 11:00