La radunanza communala d'Andeer ha approvà venderdi saira, ils 23 da zercladur unanimamain tut las quatter fatschentas en connex cun la finanziaziun da las pendicularas da Spleia. Uschia tranter auter ina contribuziun ed in emprest da mintgamai passa 160'000 francs per gidar da surmuntar las difficultads finanzialas da l'interpresa.
Vinavant han ils d'Andeer decidì cunter la proposta la suprastanza da vender il bajetg Sunnastall, parzella 556, a la Müller Immobiglias SA e betg a la Luzi Immobiglias SA. La suprastanza aveva proponì da vender l'immobiliga Sunnastall per 230'200 francs a la Luzi Immobiglias SA.
RR novitads 06:00