Grischun Central - Avertura chascharia d’alp Parpan
A partir da questa stad vegn il latg da las alps Stätz, Chötzenberg e dal Plantahof elavurà en la nova chascharia d’alp a Parpan. Sonda vegn questa inaugurada.
Las lavurs da renovaziun han cuzzà radund nov mais. Ina stalla da passa 100 onns sin l’Alp Plantahof. Qua datti uss ina chascharia cun ina galaria publica per aspectaturs. Durant quatter mais ad onn vegnan elavurads radund 230’000 liters latg. L’entira renovaziun ha custà 2.3 milliuns francs. Sustegn hai dà da la Confederaziun, dal chantun Grischun e da l’Agid Svizzer per la Muntogna.