Siglir tar il cuntegn

Header

cuntegn

Grischun Central Baselgia d'Andeer è renovada

La baselgia evangelica d’Andeer è vegnida renovada. En quest pass ha ella era survegnì in nov access cun in ascensur. Era ha i dà duas tualettas davant la baselgia, ed in nov tetg per dis da plievgia.

Sco quai che Peider Ganzoni, il president da la cumissiun da fabrica ha ditg, quintan els cun custs da renovaziun da passa 2,5 milliuns francs. Finanzià la renovaziun han la vischnanca d’Andeer, il cumin baselgia, il chantun, la baselgia chantunala ed il Fond da solidaritad Svizzer.

Trais dis festa

En connex cun la renovaziun da la baselgia datti ina festa da trais dis. Quella dura da venderdi ils 26 d’avust enfin dumengia ils 28 d’avust. Il venderdi envida l’Uniun dals mats ad ina sairada cun musica en la tenda da festa sin il parcadi grond.

audio
Andeer: La baselgia è renovada
ord Total local dals 26.08.2016. Maletg: RTR, Federico Belotti
laschar ir. Durada: 3 minutas 10 Secundas.

La sonda èn envidads tut ils confirmands ch’èn ina giada vegnids confirmads en la baselgia. Dals 500 dumandads èn s’annunziadas circa 300 persunas, ha ditg Peider Ganzoni. L’inauguraziun uffiziala da la baselgia è la dumengia.

Artitgels legids il pli savens