En ina communicaziun a las medias scriva la destinaziun d’Arosa che l’idea è d’integrar ils possessurs da chasas e d’abitaziuns da vacanzas activ en quest concept da commerzialisaziun. Avant da concretisar lur intent elavureschan las differenzas destinaziuns internamain ils possessurs d’abitaziuns da vacanzas pudessan vegnir integrads il meglier, declera Pascal Jenny il mainaproject e directur d’Arosa turissem.
Per Arosa èn possessurs d’abitaziuns da vacanzas ina impurtanta part da la destinaziun turistica ed uschia è quai evident da vulair integrar els meglier che fin qua, ha ditg Jenny.
Prims resultats l’entschatta 2017
Ils prims resultats dals differents workshops en las destinaziuns spetga Pascal Jenny il schaner ni favrer 2017. Suenter suonda anc ina fasa da test. Alura duessan las mesiras ch’èn sa cumprovadas vegnir implementadas. Dasper las destinaziuns Arosa-Lai e Flem-Laax-Falera sa participeschan a quest project era las destinaziuns da Grächen (Vallais), Gstaad (Berna) e Saas-Fee (Vallais).
Dals resultats dal project duessan betg sulet las destinaziuns che sa participeschan profitar mabain l’entira branscha da turissem svizra.