Ils set projects èn vegnids elavurads dal Parc Beverin e da la Scola auta turitgaisa per scienzas applitgadas (ZHAW) en collavuraziun cun purtaders locals. L'uniun purtadra è la PRE Beverin.
Realisar dus projects
Tenor ina communicaziun a las medias dal Parc Beverin vegnan dus projects uss realisads. Ad Andeer vegn sanada la chascharia per passa dus milliuns francs. Medemamain ad Andeer vegn sanada la chasa da maz. Quella vegn engrondida ed i vegn a dar ina nova setgentera da charn.
Ulteriurs projects
Ils auters projects da la «PRE Beverin» èn la realisaziun d’in agroturissem sin l’Alp Nurdagn è la construcziun d’ina bieraria pitschna cun ustaria en la chascharia planisada a Sufers. Sin l’alp Curtginatsch duai vegnir construì in deposit per chaschiel d’alp. Plinavant duai dar ina plattafurma nua che tut ils products vegnan commerzialisads.
Grondas investiziuns
Tut ils projects duain vegnir realisads entaifer tschintg onns. Ils custs muntan a circa 7,5 milliuns francs. La Confederaziun sa participescha als custs cun 1.9 milliuns francs, il chantun cun radund 1,5 milliuns francs.
-
audioEr la chasa da maz survegn in nov vestgì01:35 min, ord Total local dals 19.01.2017. Maletg: RTR, Federico Belottilaschar ir. Durada: 1 minuta 35 Secundas. -
audioSanar la chascharia01:42 min, ord Total local dals 19.01.2017. Maletg: RTR, Federico Belottilaschar ir. Durada: 1 minuta 42 Secundas. -
audioGrondas investiziuns en la Val Schons02:25 min, ord Total local dals 19.01.2017. Maletg: RTR, Federico Belottilaschar ir. Durada: 2 minutas 25 Secundas.
RR novitads 15:00